మా పేరు చెడగొట్టేందుకే ప్రణబ్ ఫొటోను మార్ఫింగ్ చేశారు: ఆర్ఎస్ఎస్

నాగపూర్ లో ఇటీవల జరిగిన ఆర్ఎస్ఎస్ శిక్షా వర్గ్ కార్యక్రమంలో మాజీ రాష్ట్రపతి ప్రణబ్ పాల్గొన్న విషయం తెలిసిందే. ఆర్ఎస్ఎస్ కార్యకర్తలు ప్రార్థన చేస్తున్నప్పుడు ప్రణబ్‌ ముఖర్జీ కూడా వారిలాగే తన కుడి చేతిని ఎత్తి ఛాతి వరకు ఉంచినట్లు ఓ మార్ఫింగ్ ఫొటో సామాజిక మాధ్యమాల్లో హల్ చల్ చేస్తోంది. ఈ మార్ఫింగ్ వ్యవహారంపై మండిపడుతున్న ఆర్ఎస్ఎస్ ఓ ప్రకటన విడుదల చేసింది. ఆర్ఎస్ఎస్ పేరు చెడగొట్టాలనే ఉద్దేశంతోనే విభజన రాజకీయ శక్తులు కొన్ని ఇలాంటి పనికిమాలిన పనులు చేస్తున్నాయని, ఈ ఘటనను తాము తీవ్రంగా ఖండిస్తున్నామని ఆ ప్రకటనలో పేర్కొంది.